Í skýrslu annars brotaþola hjá lögreglu í kynferðisbrotamáli frá því í október kemur fram að annar meintra gerenda hafi bundið hendur hennar saman með keðju. Þá hafi hann slegið hana með svipu. Þetta staðfesta heimildir Fréttablaðsins að því er fram kemur á forsíðu blaðsins í dag.

Þar segir að lögreglan hafi lagt hald á svipu og keðju við húsleit í íbúð í Hlíðunum en umráðamaður íbúðarinnar er annar tveggja manna sem hafa verið kærðir fyrir kynferðisbrot. Sá er á fertugsaldri og starfar á hótelinu Reykjavík Marina. Hann hefur verið sendur í leyfi á meðan rannsókn málsins stendur yfir. 

„Þetta er ekki í samræmi við lýsingar míns manns,“ segir Bjarni Hauksson verjandi annars meints gerenda. Vilhjálmur Vilhjálmsson, verjandi hins, segir skjólstæðing sinn hvorki kannast við að hafa bundið stúlkuna og hvað þá slegið hana með svipu, samkvæmt frétt Fréttablaðsins í dag.

Tengdar fréttir

Kynferðisbrot

Samþykkir beiðni um áfrýjun í kynferðisbrotamáli

• Sjö ára dómur yfir Theodóri staðfestur
• Streymi: Kynferðisofbeldi gegn börnum með notkun gervigreindar
• Sendi ítrekað typpamyndir á 15 ára stúlku
• Braut ítrekað á barnungri náfrænku sinni

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Hvaða tilgangi þjónar svona fréttamennska??