103 skrifuðu undir yfirlýsingu í Höfða

For­svars­menn 103 fyr­ir­tækja og stofn­anna komu í Höfða í dag til að skrifa und­ir yf­ir­lýs­ingu um lofts­lags­mál. Öll hafa þau ákveðið að taka þátt og skuld­binda sig til aðgerða til að draga úr los­un gróður­húsaloft­teg­unda. 

Eins og sagt hef­ur verið frá hafa þjóðir heims sett sér mark­mið um að draga veru­lega úr los­un gróður­húsaloft­teg­unda og hef­ur Ísland ásamt ríkj­um Evr­ópu­sam­bands­ins og fleir­um lýst því yfir að dregið verði úr los­un um 40%.

Í frétt á vef Reykja­vík­ur­borg­ar kem­ur fram að fyr­ir­tæki um all­an heim hafa í vax­andi mæli tekið skýra af­stöðu í um­hverf­is­mál­um og er nefnd áskor­un fyr­ir­tækja frá 130 lönd­um þar sem kallað er eft­ir metnaðarfull­um mark­miðum á fyr­ir­hugaðri lofts­lags­ráðstefnu Sam­einuðu þjóðanna í Par­ís í næsta mánuði. Mik­il­vægt er að borg­ir og fyr­ir­tæki taki frum­kvæði.

„Á Íslandi glím­um við ekki við meng­andi raf­magns­fram­leiðslu eða hús­hit­un líkt og marg­ar þjóðir, held­ur er ein helsta áskor­un okk­ar meng­andi sam­göng­ur og los­un úr­gangs,“ seg­ir í frétt­inni.

Stefna Reykja­vík­ur í lofts­lags­mál­um er að draga úr los­un gróður­húsaloft­teg­unda um 35% fyr­ir árið 2020.  Stefn­an var fyrst sett fram árið 2009 og er nú hluti af Aðal­skipu­lagi Reykja­vík­ur. Einnig er unnið að stefnu­mörk­un borg­ar­inn­ar í að draga úr los­un gróður­húsaloft­teg­unda vegna eig­in rekst­urs borg­ar­inn­ar.

Meðal þeirra fyr­ir­tækja og stofn­anna sem taka þátt eru Alcoa Fjarðarál, Bláa lónið, Gámaþjón­ust­an og Isa­via. List­ann í heild sinni má sjá hér.

Yf­ir­lýs­ing­una sem skrifað var und­ir í dag má sjá hér að neðan.

Við und­ir­rituð ætl­um að draga úr los­un gróður­húsaloft­teg­unda og lág­marka nei­kvæð um­hverf­isáhrif með mark­viss­um aðgerðum. 

Þjóðir heims standa nú frammi fyr­ir af­leiðing­um lofts­lags­breyt­inga. Sam­einuðu þjóðirn­ar gegna for­ystu­hlut­verki í að greina vand­ann, tak­ast á við hann og aðlag­ast breytt­um aðstæðum.

Borg­ir og bæir ásamt fyr­ir­tækj­um af öll­um stærðum, verða sí­fellt mik­il­væg­ari þegar kem­ur að því að draga úr út­blæstri gróður­húsaloft­teg­unda og stand­ast þau mark­mið sem sett hafa verið um los­un þeirra.

 Á Íslandi er ein helsta áskor­un­in meng­andi sam­göng­ur og los­un úr­gangs. Við ætl­um að sýna sam­fé­lags­lega ábyrgð í verki með því að:

1. draga úr los­un gróður­húsaloft­teg­unda
2. minnka mynd­un úr­gangs
3. mæla ár­ang­ur­inn og gefa reglu­lega út upp­lýs­ing­ar um stöðu of­an­greindra þátta.