Píratar með 35,3% fylgi

MMR kannaði fylgi stjórnmálaflokka og stuðning við ríkisstjórnina á tímabilinu 26. október til 4. nóvember 2015. Píratar mælast nú með 35,3% fylgi sem er innan vikmarka frá síðustu tveimur könnunum (frá 16. október og 24. september 2015).

Fram kemur í tilkynningu frá MMR, að fylgi Sjálfstæðisflokksins mældist 23,7% borið saman við 21,7% í síðustu könnun þann 16.október 2015. Fylgi Framsóknarflokksins mældist 10,8% borið saman við 10,4% í síðustu könnun. Fylgi Samfylkingarinnar mældist nú 10,5% borið saman við 11,3% í síðustu könnun. Fylgi Vinstri-Grænna mældist nú 9,9% borið saman við 11,8% í síðustu könnun. Fylgi Bjartrar framtíðar mældist 4,6% borið saman við 6,5% í síðustu könnun. Fylgi annarra flokka mældist undir 1%.

Stuðningur við ríkisstjórnina mældist 33,1% en mældist 31,4% í síðustu mælingu (sem lauk þann 16. október sl.) og 35,5% í lok september síðastliðinn (lauk 24. september sl.).

Nánari upplýsingar hér.

• 1 blogg um fréttina

Bloggað um fréttina

• Ólafur Örn Jónsson: Kjósendur átta sig á að við þurfum HEIÐARLEGT fólk á …