Loftsteinn í gegnum norðurljós

Norðurljós voru áberandi á himni í gærkvöldi á sama tíma og Leonítaloftsteinadrífan náði hámarki sínu. Útsendarar Stjörnufræðivefsins náðu rauntímamyndum af norðurljósunum og loftsteini skjótast í gegnum þau.

Myndbandið, sem birtist á Facebook-síðu Stjörnufræðivefsins, var tekið yfir Reykjavík í gærkvöldi en á því má sjá norðurljósin liðast um himininn í rauntíma. Þegar ein mínúta er liðin af því má sjá loftstein birtast og brenna upp í miðri norðurljósasýningunni. Mælt er með því að horfa á myndbandið í háskerpu.

Leonítar voru í hámarki í gær og í fyrradag en það er loftsteinadrífa sem má rekja til halastjörnunnar 55P/Tempel-Tuttle sem gengur um sólina á um 33 árum. Þeir hafa hraðfleygustu agnir allra loftsteinadrífa á jörðinni, að því er segir á Stjörnufræðivefnum.

• 1 blogg um fréttina

Bloggað um fréttina

• Börkur Hrólfsson: Gerist oft.