Ljósin voru kveikt á jólatrénu á Ráðhústorgi á Akureyri síðdegis. Tréð er að vanda gjöf frá vinabænum Randers í Danmörku og það var Mette Kjuel Nielssen, sendiherra Dana á Íslandi, afhenti tréð og þriggja ára strákur, Oliver Atlas Petersen kveikti ljósin. Sendiherrann flutti ávarp á samkomunni, eins og Eiríkur Björn Björgvinsson, bæjarstjóri.
Áður en athöfnin hófst lék Lúðrasveit Akureyrar undir stjórn Gert-Ott Kuldpärg nokkur jólalög, Barna- og æskulýðskór Glerárkirkju söng undir stjórn Margrétar Árnadóttur og jólasveinninn Hurðaskellir og tveir bræðra hans voru á staðnum, sungu og skemmtu börnunum.