Rafskutlur á Þingvöllum

Til skoðunar er að loka bílastæðum næst þinghelginni á Þingvöllum og útbúa stæði við Langastíg, á hrauninu ofan Almanna- og Stekkjargjár.

Þar liggur vegurinn sem ekið er um þegar komið er að Þingvöllum úr vestri frá Reykjavík. Yrðu ferðamenn sem um svæðið fara þá fluttir af bílastæðunum nýju á rafskutlum að Öxarárfossi, Lögbergi, Almannagjá og fleiri nærliggjandi stöðum í nágrenni þinghelginnar.

Þingvellir eru á heimsminjaskrá UNESCO, sem staður er hefur verndargildi á heimsvísu. Þurfa aðgerðir og framkvæmdir á svæðinu að taka mið af því, að því er fram kemur í umfjöllun um mál þetta í Morgunblaðinu í dag.