Lenti ekki fyrr en 4 í nótt

Flugvél WOW air, sem var að koma frá Gatwick í Lundúnum í gærkvöldi þurfti fyrst að lenda á flugvellinum á Akureyri vegna mikillar snjókomu á flugvellinum í Keflavík. Vélinni var síðan flogið til Keflavíkur og lenti hún þar klukkan fjögur í nótt. Samkvæmt áætlun átti vélin að lenda í Keflavík klukkan 22:50. 

Miklar seinkanir voru einnig á tveimur vélum Icelandair í gærkvöldi vegna snjókomunnar en ryðja þurfti flugbrautina svo hægt væri að lenda á Keflavíkurflugvelli seint í gærkvöldi.

Vél Icelandair sem var að koma frá Kaupmannahöfn átti að lenda klukkan 22:20 en lenti fjórar mínútur eftir miðnætti og flug Icelandair frá Lundúnum lenti klukkan 00:14 í stað 23:35. 

Flug WOW air frá Boston sem átti að lenda klukkan 4:05 í morgun lenti hins vegar ekki fyrr en klukkan 5:34.

Snjókoma í Keflavík veldur vandræðum

• 1 blogg um fréttina

Bloggað um fréttina

• Ómar Ragnarsson: Gildi íslenskra varaflugvalla og -brauta.