„Jólin eru tilbúin og ekkert stress“

Miðbær Reykja­vík­ur var pakkaður af fólki í kvöld í dá­sam­legu veðri þar sem ekki hreyfði vind og lít­il hvít snjó­korn féllu af himni, einskon­ar himna­skraut. All­ir í jóla­skapi og flest­ir virt­ust vera bún­ir að klára inn­kaup­in. Svona lýs­ir blaðamaður mbl.is stemmn­ing­unni í miðbæn­um í kvöld. Ræddi hann við versl­un­ar- og veit­inga­húsa­eig­end­ur sem sögðu jóla­söl­una hafa verið góða í ár. Ljós­mynd­ari var með í för og tók mynd­ir af gest­um og gang­andi.

Á svell­inu við Ing­ólf­s­torgi var mikið um börn að leika sér og svellið full­nýtt. Þá fengu marg­ir sér jólag­lögg eða kakó úr bás­un­um sem standa við hlið svells­ins og al­mennt var góður andi yfir öllu. Sjá mátti jóla­sveina á vapp­inu um bæ­inn og nokkra að beina fólki inn á veit­ingastaði til að hvíla sig aðeins eft­ir göng­una í kvöld.

Blaðamaður mbl.is seg­ir að áber­andi fáir hafi verið með inn­kaupa­poka og að það bendi til þess að fólk hafi verið búið að ganga frá inn­kaup­um. Þá hafi líka lítið verið um stress og eng­inn hlaup­andi um. Víða hafi einnig mátt heyra börn á gangi með for­eldr­um sín­um syngj­andi jóla­lög fyr­ir sig sjálf og hafi sett punkt­inn yfir ein­stak­lega jóla­legt kvöld í bæn­um.

Jakob Ein­ar Jak­obs­son, eig­andi Jóm­frú­ar­inn­ar, seg­ir að mikið hafi verið að gera í dag. „Mjög fínt að gera í all­an dag, enda alltaf gam­an á Þor­láks­messu,“ sagði hann, en dag­inn fyr­ir jól var rauðsprett­an vin­sæl­asti rétt­ur­inn, mun vin­sælli en hefðbund­inn jóla­mat­ur.

Fríða J. Jóns­dótt­ir, skart­gripa­hönnuður á Skóla­vörðustíg, var einnig ánægð með jóla­söl­una í ár. Sagði hún í sam­tali við blaðamann að versl­un­in í dag og fyr­ir þessi jól hefðu gengið mjög vel.

Á Íslenska barn­um hitti blaðamaður hóp af fólki sem var að skála, en þrjú af fjór­um í hópn­um voru Íslend­ing­ar sem eru bú­sett­ir er­lend­is en komu heim fyr­ir jól­in. Sögðust þau vera búin að öllu, þótt þau væru „ný­lent á klak­an­um.“

Ann­ar hóp­ur sem blaðamaður hitti á var með sömu sögu og sagði all­an und­ir­bún­ing frá­geng­inn, aðeins hafi þurft að klára að versla smá­veg­is fyrr í dag. „Jól­in eru til­bú­in og ekk­ert stress,“ sagði Þór Stein­ars­son í hópn­um og tók Aníta Rut Hilm­ars­dótt­ir und­ir með hon­um: „Allt er klárt.“

Vil­borg Saga Stef­áns­dótt­ir, 6 ára, var einnig á ferð í bæn­um og fékk að fylgj­ast með miðbæj­ar­líf­inu af há­hesti föður síns, Stef­áns Reyn­is­son­ar. Þegar blaðamaður spurði hana um jól­in og jóla­gjaf­ir var hún of spennt fyr­ir jóla­hátíðinni til að svara, en ljóst var að henni þótti jóla­stemmn­ing­in í miðbæn­um skemmti­leg.