Fjórðungur grunnskólabarna finnur fyrir streitu

Samkvæmt Skólapúlsinum, sem er könnun þar sem spurt er um virkni og líðan grunnskólanemenda, upplifir um fjórðungur þeirra streitu oft eða mjög oft.

Að sögn Berglindar Brynjólfsdóttur, sálfræðings á Barna- og unglingageðdeild Landspítalans, getur margt valdið streitu hjá börnum, t.d. of lítill svefn, mikil tölvunotkun og miklar kröfur til þeirra.

Hún segir nokkuð um að nemendur í 10. bekk upplifi streitu vegna þess að þau óttist að komast ekki inn í vinsælustu framhaldsskólana og standast þannig ekki væntingar sjálfra sín og annarra, að því er fram kemur í fréttaskýringu um mál þetta í Morgunblaðinu í dag.