Samningafundur starfsmanna álversins í Straumsvík og viðsemjenda þeirra í morgun stóð stutt yfir. Gylfi Ingvarsson, talsmaður starfsmannanna, segir að fulltrúar álversins hafi ekki haft neinn nýjan boðskap frá höfuðstöðvunum. Það hafi lítið upp á sig að boða til nýs fundar á meðan sú sé staðan.

Fundurinn fór fram í húsnæði ríkissáttasemjara og hófst klukkan tíu í morgun. Honum lauk hins vegar aðeins stundarfjórðungi síðar, að sögn Gylfa. Ástæðuna segir hann yfirlýsingu forstjóra Rio Tinto um að engar launahækkanir verði veittar á þessu ári. Fulltrúar álversins hafi ekki haft neinn nýjan boðskap frá höfuðstöðvunum í farteskinu og því sitji allt fast ennþá.

Í framhaldinu segir Gylfi að starfsmenn séu að ræða stöðuna og skoða hvernig hægt sé að skapa þrýsting á fyrirtækið um að gera sambærilegan kjarasamning og gerður var á almennum markaði.

„Það er verið að móta stefnu í íslensku samfélagi sem yfirlýsing Rio Tinto gengur þvert á,“ segir Gylfi.

Engir frekari fundir hafa verið ákveðnir í kjaradeilunni.

„Það hefur lítið upp á sig,“ segir Gylfi.

Tengdar fréttir

Kjaraviðræður

Svona verður verkfall lækna á Akureyri

• Boða verkföll í fjórum skólum til viðbótar
• Börn hafi engan rétt á leikskólakennslu
• „Það er bara góð vinna í gangi“
• Á algjöru frumstigi eftir þrjár vikur af verkfalli

» Fleiri tengdar fréttir

• 3 blogg um fréttina

Bloggað um fréttina

• Guðlaugur Guðmundsson: Deilan í Straumsvík
• Jóhann Kristinsson: Í guðsbænum ekki að gefast upp...
• Hallmundur Kristinsson: Frá Straumsvík