Sigmundur svarar Degi

Sigmundur Davíð Gunnlaugsson, forsætisráðherra hefur svarað Facebook færslu Dags B. Eggertssonar, borgarstjóra með annarri Facebook færslu. Í færslu Dags gagnrýndi hann ummæli Sigmundar Davíðs sem hann lét einmitt falla á Facebook fyrr í dag.

Umræðuefni þeirra Dags og Sigmunds eru áætlaðar framkvæmdir í nágrenni Menntaskólans í Reykjavík. Hafði Sigmundur lagt áherslu á að ákveðið hús við MR, Casa Christi, væri friðað. Dagur svaraði á Facebook og sagði að ríkið væri fram­kvæmdaaðil­inn „og hef­ur lagt ríka áherslu á að húsið víki.“

Fyrri frétt mbl.is: Þarf að reka deil­ur sín­ar við sjálf­an sig

Fyrri frétt mbl.is: „Húsið er friðað“

„Lúðvík XIV á að hafa sagt ,,ríkið það er ég". Nú segir borgarstjórinn í Reykjavík hins vegar ,,ríkið, það er Sigmundur Davíð, og allar stofnanir og nefndir með". Ég á víst að afgreiða öll mál sem koma upp hjá ríkisstofnunum og fagnefndum í samtali við sjálfan mig, að mati borgarstjórans, og hjálpa um leið borginni að taka af skarið um verndun húss sem er þegar friðað,“ skrifaði Sigmundur á Facebook fyrr í kvöld.

Bætir hann við að það sé rangt hjá Degi að Minjastofnun hafi heimilað niðurrif hússins sem um ræðir. „Þvert á móti ítrekaði hún við byggingarnefnd MR, fyrir um viku síðan, að húsið væri friðað.“

• 2 blogg um fréttina

Bloggað um fréttina

• Ómar Ragnarsson: Þorgerður Katrín bjargaði Hótel Akureyri. Illugi, yfir til þín!
• Magnús Helgi Björgvinsson: Þetta nú bara ekkert svar!