VG fordæmir dönsku lögin

Ný löggjöf um málefni innflytjenda í Danmörku stríðir gegn þeim almenna anda sáttar, mannréttinda og gestrisni sem hefur einkennt hefur Norðurlöndin í sögulegu ljósi þegar kemur að móttöku flóttamanna sem flýja stríðshrjáð lönd auk þess sem hún samræmist hvorki Flóttamannasáttmála Sameinuðu þjóðanna, Barnasáttmála Sameinuðu þjóðanna né Mannréttindasáttmála Sameinuðu þjóðanna. Þetta kemur fram í ályktun þingflokks Vinstri grænna.

Löggjöfin hefur mætt andstöðu mannréttindasamtaka víða um heim, sem og Sameinuðu þjóðanna. Í lögunum eru reglur hertar er varða innflytjendur og flóttafólk sem leita hælis í Danmörku, eignaupptöku verðmæta er heimiluð og þrengt að fjölskyldusameiningum.

„Þingflokkur VG tekur undir með þeim sem hafa fordæmt löggjöfina og leggur áherslu á að sambærileg ákvæði rati aldrei í íslenska löggjöf,“ segir í ályktuninni.

• 4 blogg um fréttina

Bloggað um fréttina

• Ásgrímur Hartmannsson: Þeir fordæma lög eins og þau sem þeir settu sjálfir …
• Helga Dögg Sverrisdóttir: Líta í eigin barm
• Guðmundur Ásgeirsson: Sambærileg ákvæði nú þegar í íslenskum lögum
• Jóhann Kristinsson: Það hlustar afar fáir á VG á Íslandi ........