Austurvöllur mun breyta um svip

Umhverfi Austurvallar mun breytast mikið með fyrirhugaðri uppbyggingu á svonefndum Landssímareit.

Þar mun rísa 160 herbergja glæsihótel Icelandair Hotels í nokkrum byggingum og er áformað að það verði opnað eftir um tvö ár, að því er fram kemur í Morgunblaðinu í dag.

Icelandair Hotels völdu THG arkitekta til að vinna lokahönnun að útliti bygginga á reitnum. Á meðfylgjandi mynd má sjá hvernig tvær hliðar reitsins munu líta út séð frá alþingishúsinu. Gamla Landssímahúsið heldur sér en sótt hefur verið um leyfi fyrir niðurrifi í Kirkjustræti og byggingu nýrra húsa á þeim hluta reitsins.