Ferðamenn hunsuðu skilti í Langadal

Skömmu eftir hádegi í dag voru björgunarsveitirnar Jökull og Vopni kallaðar út vegna erlendra ferðamanna sem höfðu fest bíl sína í Langadal. Óveður var á svæðinu og búið að loka veginum með lokunarskilti. Kom útkallið því nokkuð á óvart, líkt og segir á Facebook-síðu Vopna. 

Skiltið stoppaði þó ekki ferðamennina sem héldu ferð sinni ótrauðir áfram þangað til þeir höfðu fest bíla sína í snjónum. Ellefu ferðamenn voru í bílunum og voru þeir ferjaðir niður í Jökuldal þar sem þeim var komið í húsaskjól. 

„Þetta kostaði þá ekki neitt og nú sitja þeir glaðir og kátir í hita og skjóli, þökk sé björgunarsveitum,“ segir í færslunni á Facebook. 

• 1 blogg um fréttina

Bloggað um fréttina

• Jón Snæbjörnsson: lögreglu og tryggingarmál .... !