Hælisleitandinn sem hótaði að kveikja í sér í kvöld er óánægður með afgreiðslu sinna mála hjá íslenskum yfirvöldum. Frá þessu greinir í tilkynningu frá lögreglu um málið þar sem fram kemur að þessi óánægja var ástæðan fyrir hótuninni.

Frétt mbl.is: Hafði hótað að kveikja í sér

Lögregla var kölluð að Arnarholti á Kjalarnesi á áttunda tímanum í kvöld vegna hótunar mannsins. Málið var tekið mjög alvarlega og var lögregla með mikinn viðbúnað vegna málsins en auk lögreglu fór slökkvilið á vettvang.

Í tilkynningu lögreglu segir að hann hafi verið rólegur þegar lögregla kom á vettvang og að hann hafi ekki lagt eld að sér eða húsnæðinu í Arnarholti.

„Maðurinn var færður af staðnum og til dvalar annars staðar, en hann er undir eftirliti starfsmanna Útlendingastofnunar,“ segir í tilkynningunni. Aðgerðum var lokið rétt fyrir klukkan níu í kvöld.

Tengdar fréttir

Flóttafólk á Íslandi

Vonast eftir breiðri þverpólitískri sátt

• Allt frá nokkrum tímum upp í viku í nýrri miðstöð
• Mjög dýrt að tryggja landamærin
• Greiningarmiðstöð hluti af 13 landamæraaðgerðum
• „Já, þetta er auðvitað mjög ómerkilegt af þér...“

» Fleiri tengdar fréttir

• 1 blogg um fréttina

Bloggað um fréttina

• Júlíus Már Baldursson: Útlendingastofnun,reglugerðir,lög og framkvæmd.......