Alþingi á að skoða hvort að rétt sé að snúa hælisleitendum til síns heima í Keflavík að mati Ásmundar Friðrikssonar, þingmanns Sjálfstæðisflokksins. Sagði hann landsmenn ekki þora að hafa skoðun á þessum málum. Tilefni orða þingmannsins voru hótanir hælisleitanda um að hann myndi kveikja í sér.

Ásmundur sagði flóttamannastrauminn í Evrópu stórkostlegt vandamál í ræðu á Alþingi í dag. Svíar og Danir hefðu takmarkað komu flóttamanna til landsins til að geta fylgst með hverjir kæmu til landanna. Spurði hann hvort að Íslendingar þyrftu að fara að fordæmi nágrannaþjóðanna og takmarka aðgengi fólks hingað eins og áður en Schengen-samkomulagið tók gildi.

Barmaði þingmaðurinn sér undan gagnrýni þess sem hann kallaði „góða fólkið“ og fjölmiðla þegar hann tjáði sig um þessi málefni. Fólkið í landinu þyrði ekki að hafa skoðun á þeim af sömu ástæðum. Spurði hann hvort ekki þurfi að gera breytingar á „opnum landamærum“ Íslands.

„Ég held að það sé mál að linni,“ sagði Ásmundur.

Fyrri frétt mbl.is: Hafði hótað að kveikja í sér

Tengdar fréttir

Flóttafólk á Íslandi

Ekki hægt að setja hámark á hælisumsóknir

• Telur ekki þurfa að herða útlendingalöggjöfina
• Engin ákvörðun tekin en er til skoðunar
• Umboðsmaður Alþingis skoðar dvalarleyfisumsóknir
• Hámarksdvalarleyfi lengt í fimm ár

» Fleiri tengdar fréttir

• 3 blogg um fréttina

Bloggað um fréttina

• Jón Ingi Cæsarsson: Stoltur þingflokkur Sjálfstæðisflokksins ?
• Ásgrímur Hartmannsson: Góð hugmynd, loksins
• Páll Vilhjálmsson: Ísland nýtir ekki ESB-reglur vegna flóttamanna