Fjöldi nýrra hælisumsókna á Íslandi gæti hugsanlega farið yfir þúsund á þessu ári, samkvæmt upplýsingum frá Útlendingastofnun. Á síðasta ári bárust stofnuninni 355 hælisumsóknir. 

„Miðað við þróunina í fyrra og það sem af er þessu ári gerum við ráð fyrir að fjöldi umsækjenda um hæli geti orðið á bilinu 600-1000 á þessu ári, hugsanlega meiri en 1000.“

Þá telur stofnunin að hagstæðast sé fyrir hælisleitendur á Íslandi að búa margir saman í húsnæði, eða 40 til 50 einstaklingar á sama stað. Þetta kemur fram í svari hennar við fyrirspurn mbl.is, en hún auglýsti í febrúar eftir leiguhúsnæði fyrir vistarverur hælisleitenda.

Frétt mbl.is: Leita að húsnæði fyrir allt að 100 einstaklinga

„Þetta er sú stærð sem stofnunin telur hagstæða m.t.t. þjónustu við íbúana,“ segir í svarinu.

„Ef úrræðin eru mikið minni þyrfti augljóslega mun fleiri úrræði og þá færi óþarfa tími í það að ferðast á milli staða sem annars gæti nýst til þjónustu við hælisleitendur. Með öðrum orðum telur stofnunin að þessi stærðareining sé hagkvæmust.“

Stofnunin telur ekki hættu á að hælisleitendur verði fyrir árásum. mbl.is/Kristinn

Lokað rými þarf fyrir öryggisvörð

Í auglýsingunni sagði einnig að í húsnæðinu þyrfti að vera til staðar lokað rými fyr­ir ör­ygg­is­vörð og eft­ir­lit­s­kerfi. Stofnunin telur þó ekki hættu á því að árásir verði gerðar á vistarverurnar eða hælisleitendurna, líkt og gerst hefur í öðrum Evrópulöndum, t.a.m. Þýskalandi.

Frétt mbl.is: Fögnuðu þegar húsið brann

„Hér er fyrst og fremst um öryggisráðstöfun að ræða , þ.e. m.t.t. þess að upp geta komið ýmis atvik, fólk getur veikst skyndilega og kalla getur þurft á sjúkrabíl, koma þarf skilaboðum um læknatíma, viðtöl og ýmislegt fleira til fólksins og svo þarf að hafa einhvern á staðnum sem sér til þess að húsreglur séu virtar,“ segir í svari stofnunarinnar.

Tengdar fréttir

Flóttafólk á Íslandi

Vonast eftir breiðri þverpólitískri sátt

• Allt frá nokkrum tímum upp í viku í nýrri miðstöð
• Mjög dýrt að tryggja landamærin
• Greiningarmiðstöð hluti af 13 landamæraaðgerðum
• „Já, þetta er auðvitað mjög ómerkilegt af þér...“

» Fleiri tengdar fréttir

• 1 blogg um fréttina

Bloggað um fréttina

• Riddarinn : Er þetta ekki alveg æðislegt ......