Lækka eyðsluþak á formannsframboð

Flokksstjórn Samfylkingarinnar samþykkti á fundi sínum í gær að lækka upphæðina sem formannsframbjóðendur mega eyða í framboð sín úr fjórum milljónum í eina milljón.

Helgi Hjörvar, sem sjálfur er í framboði, lagði fram tillögu þess efnis í gær og var hún samþykkt með afgerandi mun, eftir því sem fram kemur í pistli Helga sem hann birti á Facebook-síðu sinni nú í kvöld. Helgi vék sjálfur af fundi á meðan tillagan var rædd. 

Auk Helga hefur Magnús Orri Schram lýst yfir framboði til formannsembættis flokksins. 

• 1 blogg um fréttina

Bloggað um fréttina

• Halldór Egill Guðnason: Innanflokkskosningakostnaður lækkaður um sjötíu og fimm prósent.