Telur að stjórnin standist tillöguna
Setja bókamerki
„Við tökum á því máli, ef það kemur fram,“ segir Bjarni Benediktsson fjármálaráðherra um áform stjórnarandstöðunnar að leggja fram tillögu um þingrof og kosningar eftir að Alþingi kemur saman eftir helgi að loknu páskaleyfi. Ekki er ljóst hvort tillaga um vantraust á ríkisstjórnina mun fylgja tillögunni um þingrof og kosningar eða ekki.
Bjarni segir ríkisstjórnin hafa verið að ná miklum árangri í störfum sínum að hans mati enda sé það meginhlutverk stjórnvalda að ná árangri fyrir fólkið í landinu. Það hafi gengið að mörgu leyti vonum framar og því engin ástæða til þingrofs. Annars sé rétt að sjá hvernig tillaga stjórnarandstöðunnar eigi eftir að líta út.
Spurður hvort hann telji að ríkisstjórnin eigi eftir að standast vantrauststillögu gerir Bjarni fastlega ráð fyrir því. Ekkert annað sé í spilunum. Ríkisstjórnin sé í miðri vinnu við að fylgja eftir áætlun um losun hafta sem sé stærsta efnahagsaðgerð ríkisstjórnarinnar. Töf á þeirri vinnu gæti valdið efnahagslegu tjóni fyrir Ísland.
Hópur fólks reyndi að komast að eldgosinu
Þarf að koma til móts við ólíkar þarfir lækna
Í kappi við tímann að reyna að afstýra verkfalli
50 milljónir eiga að minnka svindl um 1 milljarð
„Höfum sloppið bærilega með skaða af þessu gosi“
Ása Ellerup flutt út og ætlar að selja húsið
Ekki vandamál að vera karlmaður
Reiðubúin að aflýsa verkföllum í fjórum leikskólum