Ekki spurt um hagkvæmni

„Það vekur athygli að ekkert er horft til spurningarinnar um hagkvæmni eða til efnahagslegra áhrifa. Ákvarðanir eru teknar út frá svæðum og verndargildi þeirra en ekki metið á móti efnahagslegt mikilvægi eða hagkvæmni.“

Þetta segir Gústaf Adolf Skúlason, framkvæmdastjóri Samorku, um drög að tillögum verkefnastjórnar 3. áfanga rammaáætlunar sem kynnt voru í gær.

„Við munum nýta niðurstöðurnar sem enn eitt lóð á þá vogarskál að friðlýsa allt miðhálendið sem þjóðgarð,“ segir Snorri Baldursson, formaður Landverndar, í umfjöllun um tillögur verkefnastjórnar rammaáætlunarinnar í Morgunblaðinu í dag.