Að sögn Birgittu Jónsdóttur, þingmanns Pírata, verður lögð fram vantrauststillaga gegn ríkisstjórninni á morgun, en þingflokksformenn stjórnarandstöðunnar hafa sent beiðni til þingforseta um að nefndarfundum í fyrramálið verði frestað.

„Það liggur fyrir eftir þessar upplýsingar sem komu fram í kvöld að það er ekki annað í stöðunni en að biðja um að nefndarfundum verði frestað í fyrramálið og það verði að leggja fram vantraust við upphaf þingfundar á morgun. Svo framarlega sem ráðherra verði ekki búinn að segja af sér fyrir þann tíma sem er siðlegast fyrir hann að gera,“ segir hún.

Aðspurð segir hún samstöðu ríkja meðal stjórnarandstöðuflokkanna, en formenn þeirra og þingflokksformenn horfðu saman á Kastljóssþátt kvöldsins þar sem ljósi var varpað á tengsl íslenskra stjórnmálamanna við skattaskjól.

Formenn og þingflokksformenn stjórnarandstöðunnar munu hittast á fundi í fyrramálið vegna málsins.

Tengdar fréttir

Panamaskjölin

Ramon Fonseca látinn

• Fyrrverandi forsetar Panama ákærðir
• Sýkna yfir Sjólaskipssystrum stendur
• Mál Sjó­la­skipa­systkina send aftur í hérað
• Alþjóðleg handtökuskipun gefin út

» Fleiri tengdar fréttir

• 1 blogg um fréttina

Bloggað um fréttina

• Heimir Lárusson Fjeldsted: Birgitta þénaði vel á handritsgerð og annarri vinnu i Bandaríkjunum