18.000 vilja að Sigmundur segi af sér

Yfir fimm þúsund manns hafa boðað komu sína á Austurvöll á morgun þar sem til stendur að mótmæla ríkisstjórninni og krefjast kosninga.

Viðburðurinn ber yfirskriftina „KOSNINGAR STRAX!“ og er boðaður frá 17 til 19. Um 4.500 Facebook notendur hafa hakað við að þeir hafi áhuga á viðburðinum og enn fleiri, eða um 5.300 þegar þetta er skrifað, hafa hakað við að þeir muni mæta.  

Þá hafa yfir 18.000 manns skrifað undir áskorun á Sigmund Davíð um að segja af sér sem forsætisráðherra og sem þingmaður.

Að sögn Birgittu Jóns­dótt­ur, þing­manns Pírata, verður lögð fram van­traust­stil­laga gegn rík­is­stjórn­inni á morg­un, en þing­flokks­for­menn stjórn­ar­and­stöðunn­ar hafa sent beiðni til þing­for­seta um að nefnd­ar­fund­um í fyrra­málið verði frestað.

• 1 blogg um fréttina

Bloggað um fréttina

• Gunnar Heiðarsson: Sorgleg staða Íslands