Afstaða forseta varðandi þingrof var ábyrg og skynsamleg. Þar nálgaðist hann málið út frá þjóðarhagsmunum. Þetta segir Guðlaugur Þór Þórðarson, þingmaður Sjálfstæðisflokksins, í samtali við mbl.is í Alþingishúsinu.

Aðspurður um færslu Sigmundar á Facebook fyrr í dag og afstöðu forsetans til stöðunnar segir Guðlaugur að framkoma Sigmundar sé fordæmalaus. „Hann hafði ekki samband við sinn þingflokk áður en hann fór í þessa vegferð og mér fannst hún vera ábyrgðarlaus. Vegferð Sigmundar í þessu máli er fordæmalaus og ábyrgðarlaus,“ segir Guðlaugur.

Hann segir að nú sé það ábyrgð kjörinna fulltrúa að styrkja þjóðina en ekki stefna í tvísýnu efnahagslegum stöðugleika eða því sem gæti komið upp í pólitísku upplausnarástandi. Sagði hann að þeir Framsóknarþingmenn sem hann hefði rætt við hefðu flestir talað af ábyrgð og samstarfið verið gott. Staðan nú kalli aftur á móti á það að farið sé yfir þessi mál. Guðlaugur vildi engu spá fyrir um hver niðurstaðan af slíkri skoðun yrði.

Katrín Jakobsdóttir, Árni Páll Árnason, Birgitta Jónsdóttir, Ásta Helgadóttir, Óttarr Proppé og Guðlaugur Þór Þórðarson, fylgjast með fréttum af málum Sigmundar Davíðs niðri í Alþingishúsi.

Tengdar fréttir

Panamaskjölin

Ramon Fonseca látinn

• Fyrrverandi forsetar Panama ákærðir
• Sýkna yfir Sjólaskipssystrum stendur
• Mál Sjó­la­skipa­systkina send aftur í hérað
• Alþjóðleg handtökuskipun gefin út

» Fleiri tengdar fréttir

• Blogga um frétt