„Mér sýnist það vera að staðfestast sem ég sagði í gær að dauðastríð ríkisstjórnarinnar er hafið og þau kjósa einhverra hluta vegna að framlengja það fram á haust," segir Árni Páll Árnason, formaður Samfylkingarinnar í samtali við mbl.is.

„Báðir flokkar eiga í vandræðum með að manna ráðherraembættin, því að Sjálfstæðisflokkurinn treystir ekki sínum formanni fyrir forsætisráðuneytinu. Við erum í þeirri skrítnu stöðu að flokkur sem er að mælast undir 8% í skoðanakönnunum er að fá forsætisráðuneytið í sinn hlut. Þetta er bara margþáttaður umboðsvandi sem við sjáum í dag."

Bjarni Benediktsson, fjármálaráðherra, tilkynnti fyrir skömmu um það að meirihluti Alþingis muni kjósa gegn vantrauststillögu stjórnarandstöðuflokkanna. 

„Ég held að þjóðin sé bara búin að afgreiða vantraust á þessa flokka og þeir séu með sinni framgöngu núna að staðfesta það," segir Árni Páll. 

Tengdar fréttir

Panamaskjölin

Ramon Fonseca látinn

• Fyrrverandi forsetar Panama ákærðir
• Sýkna yfir Sjólaskipssystrum stendur
• Mál Sjó­la­skipa­systkina send aftur í hérað
• Alþjóðleg handtökuskipun gefin út

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Samfylkingin búin að afgreiða vantraust á Árna Pál