Vill flýta flokksþingi fyrir kosningar
Setja bókamerki
Karl Garðarsson, þingmaður Framsóknarflokksins, telur heppilegast að flýta flokksþingi Framsóknarflokksins svo forysta hans geti endurnýjað umboð sitt fyrir komandi kosningar í haust.
Ríkisstjórnin hefur boðað kosningar í haust sem styttir þar með kjörtímabilið um eitt löggjafarþing. Er þetta gert til að koma til móts við þá stöðu sem nú er uppi í íslenskum stjórnmálum, en hingað til hefur nákvæm tímasetning kosninga ekki verið ákveðin.
„Ég tel það bæði lýðræðislegt og eðlilegt að flýta flokksþingi,“ segir Karl í samtali við mbl.is en að öllu óbreyttu verður næsta flokksþing Framsóknarflokksins haldið á næsta ári. Karl vill hins vegar að þingið fari fram fyrir komandi kosningar í haust.
Spurður hvort hann hafi orðið var við sömu afstöðu meðal annarra í flokknum kveður hann já við. „Ég er búinn að heyra í nokkrum.“
„Mér finnst eðlilegast að forystan fái nýtt umboð vilji hún halda áfram, það er lýðræðislegt,“ segir Karl og bætir við að Framsóknarflokkurinn kæmi þannig sterkari inn í kosningar.
Heitt vatn fannst sem gæti annað 10 þúsund manns
Hraun fór yfir Grindavíkurveg
Hvað gerðist eiginlega í VMA?
Sparnaður heimila vex meira en áður var talið
Úlfar: Heppileg tímasetning á gosinu
Gosið gæti varað lengur: Meiri fyrirstaða í gosrásinni
Búseta skortir byggingarlóðir