EES-samningurinn útilokar ekki að sett verði lög sem banna vistun eigna á lágskattasvæðum utan EES-svæðisins. Þetta kemur fram í áréttun sem Eftirlitsstofnun ESA sendi frá sér í dag. 

Sigurður Ingi Jóhannsson forsætisráðherra sagði í samtali við blaðamann Morgunblaðsins í gær að hans fyrsta verk í forsætisráðuneytinu hefði verið að láta kanna hvort hægt væri að banna Íslendingum að vista peninga í lágskattaríkjum.

Frétt mbl.is: Sigurður Ingi: Innsýn inn í undarlega veröld

„Fyrstu svör sér­fræðinga eru þau að vegna m.a. jafn­ræðis­reglu EES-samn­ings­ins sé það ekki hægt,“ sagði Sigurður Ingi.

„Mér hef­ur því þótt sér­kenni­legt að heyra Evr­ópu­sam­bands­sinna, Sam­fylk­ing­una og Bjarta framtíð og jafn­vel Pírata, sem hafa aðild að Evr­ópu­sam­band­inu á stefnu­skrá, tala um að loka eigi á mögu­leika fólks að vista pen­ing­ana sína á af­l­ands­eyj­um. Þetta er alþjóðlegt vanda­mál,“ sagði hann jafnframt. 

Áréttun Eftirlitsstofnunar ESA í heild sinni:

Í umræðu um mögulegar aðgerðir til að koma í veg fyrir að eignir séu vistaðar í skattaskjólum hefur þess misskilnings gætt að slíkt stangist á við EES-samninginn. 

Af því tilefni vill Eftirlitsstofnun EFTA árétta að EES-samningurinn útilokar ekki að sett verði lög sem banna vistun eigna á lágskattasvæðum utan EES-svæðisins. 

Grunnreglan um frjálsa fjármagnsflutninga er sú að ekki séu takmarkanir á flutningi fjármagns milli ríkja sem eiga aðild að EES-samningnum. Ákvæði EES-samningsins um frjálsa fjármagnsflutninga gilda ekki um önnur ríki.

Tengdar fréttir

Panamaskjölin

Ramon Fonseca látinn

• Fyrrverandi forsetar Panama ákærðir
• Sýkna yfir Sjólaskipssystrum stendur
• Mál Sjó­la­skipa­systkina send aftur í hérað
• Alþjóðleg handtökuskipun gefin út

» Fleiri tengdar fréttir

• 1 blogg um fréttina

Bloggað um fréttina

• Gunnar Heiðarsson: Gatslitnar nærbuxur