Heimilt er að greiða atkvæði utan kjörfundar vegna forsetakosninganna í sumar frá og með morgundeginum 30. apríl, bæði innan lands og utan. Fer atkvæðagreiðslan að venju fram á vegum sýslumanna um land allt en utanríkisráðuneytið sér um atkvæðagreiðsluna erlendis.

Fram kemur á kosningavef innanríkisráðuneytisins að sýslumenn auglýsi hvar og hvenær atkvæðagreiðslan geti farið fram á þann hátt sem venja er að birta opinberar auglýsingar. erlendis fer atkvæðagreiðslan fram í skrifstofum sendiráða, í sendiræðisskrifstofum eða á skrifstofum kjörræðismanna samkvæmt nánari ákvörðun utanríkisráðuneytisins.

Framboðsfrestur vegna kosninganna er þó ekki liðinn en framboðum skal skilað til innanríkisráðuneytisins ásamt tilskildum gögnum í síðasta lagi 20. maí 2016. Þar með talið tilskildum fjölda meðmælenda.

Tengdar fréttir

Forsetakosningar 2016

„Kom aldrei til greina að gera lag“

• Eldra fólkið kýs frekar
• Framboð Davíðs kostaði 27,7 milljónir
• Framboð Guðna kostaði 25 milljónir
• Fyrsta heimsóknin hafin

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Þurfum forseta sem getur breytt sögu fortíðarinnar.