Sigríður framkvæmdastjóri Pírata

Sigríður Bylgja Sigurjónsdóttir hefur verið ráðin framkvæmdastjóri Pírata. Um þrjátíu manns sóttu um stöðuna.

Sigríður Bylgja er með BA gráðu í HHS (heimspeki, hagfræði og stjórnmálafræði) frá Háskólanum á Bifröst og MSc í Mannvistfræði frá Háskólanum í Lundi, Svíþjóð, að því er kemur fram í tilkynningu á vefsíðu Pírata.

Hún hefur starfað sem verkefnastjóri hjá Starfsgreinasambandi Íslands og Landvernd. Einnig hefur hún starfað hjá utanríkisráðuneytinu og Saga fest. Auk þess var hún handritshöfundur og framleiðandi heimildarmyndarinnar USE LESS í samstarfi við Vesturport og Vakandi.

Af þeim 30 sem sóttu um stöðu framkvæmdastjóra Pírata voru átta boðaðir í viðtöl og umsóknir þeirra lagðar fyrir framkvæmdaráð. Framkvæmdaráð samþykkti einróma að ráða Sigríði Bylgju sem framkvæmdastjóra, samkvæmt tilkynningunni.

Sigríður Bylgja Sigurjónsdóttir. Ljósmynd/Skjáskot af vefsíðu Pírata

• 1 blogg um fréttina

Bloggað um fréttina

• Óðinn Þórisson: Píratar hefbundinn vinstri flokkur