22 þúsund manns vinna að jafnaði í ferðaþjónustu á Íslandi á þessu ári. Það er ríflega 10% starfsmanna á íslenskum vinnumarkaði. Líklegt þykir að um 40% nýrra starfsmanna í ferðaþjónustu á árunum 2016 og 2017 komi erlendis frá, en þeir eru nú sex þúsund.

Þetta er meðal helstu niðurstaðna sem koma fram í könnun Stjórnstöðvar ferðamála um mannaflaþörf og þörf fyrir fræðslu/hæfni í ferðaþjónustu á Íslandi. Könnunin var framkvæmd í apríl síðastliðnum og var send á stjórnendur íslenskra ferðaþjónustufyrirtækja í öllum landshlutum. 

Samkvæmt niðurstöðunum vilja fyrirtækin helst auka hæfni í tengslum við þjónustulund og gestrisni, jákvætt viðmót, sjálfstæð vinnubrögð og samskiptahæfni. Mest vantar af fólki í ræstingar/þrif, gestamóttöku, eldhús og veitingasali, leiðsögumennsku, sölu- og afgreiðslustörf og faglærða matreiðslu. Erfiðast er að manna í ræstingar/þrif og stöður faglærðra matreiðslumanna, að því er segir í fréttatilkynningu frá atvinnuvegaráðuneytinu.

Þá kalla fyrirtækin eftir fræðslu sem starfsmenn geti ástundað sem mest á vinnustað og vilja sjá heildstætt þrepaskipt starfsnám í ferðaþjónustu.

Niðurstöður könnunarinnar

Tengdar fréttir

Ferðamenn á Íslandi

Eyfellingar mótmæla áformum um hótel

• Stórfelld uppbygging áformuð við Holtsós
• Ferðamaður sem slasaðist þakkaði fyrir sig
• Stórkostlegt bónorð í Mýrdalsjökli
• Vasaþjófarnir fylgja uppskrift: Lá við handalögmálum

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Tíu sinnum fleiri en í stóriðju en samt ekki "atvinnuuppbygging"?