„Það liggur fyrir niðurstaða Hæstaréttar í málinu. Hún er afgerandi, sýnist mér. Ráðuneytið mun að sjálfsögðu virða niðurstöðu Hæstaréttar,“ segir Ólöf Nordal innanríkisráðherra í samtali við mbl.is um niðurstöðu Hæstaréttar sem staðfesti rétt í þessu dóm Héraðsdóms Reykjavíkur um að ríkinu sé skylt að loka norðaust­ur-/​​suðvest­urflug­braut­inni á Reykja­vík­ur­flug­velli.

Frétt mbl.is: Hæstiréttur: Neyðarbrautinni lokað

Íslenska ríkið þarf að loka neyðarbraut­inni á Reykja­vík­ur­flug­velli inn­an 16 vikna.

Reykja­vík­ur­borg hafði höfðað mál á hend­ur inn­an­rík­is­ráðuneyt­inu vegna ákvörðunar ráðherra um að neita að loka NA-SV-braut­inni, en hún er bet­ur þekkt sem neyðarbraut vall­ar­ins. Héraðsdóm­ur hafði kom­ist að þeirri niður­stöðu að Hönnu Birnu Kristjáns­dótt­ur, fyrr­ver­andi inn­an­rík­is­ráðherra, hafi verið heim­ilt að gera sam­komu­lag við borg­ina árið 2013 og láta af hendi landsvæði sem væri í eigu rík­is­ins og braut­in er á.

Þetta þýðir í raun að Vals­menn hf., sem hafa fengið fram­kvæmda­leyfi og hafið fram­kvæmd­ir á Hlíðar­enda­svæðinu, geta haldið áfram með fram­kvæmd­ir sín­ar án þess að eiga á hættu að upp­bygg­ing þar skar­ist á við aðflug að neyðarbraut­inni.

Tengdar fréttir

Reykjavíkurflugvöllur

Lögmæti og heilindi dregin í efa

• Ríkið og borgin skipta tekjum
• Borgin vill ekki hætta að spá í Hvassahraun
• Borgin hætti stuðningi við Hvassahraun
• Vill upplýsingar um kostnaðinn

» Fleiri tengdar fréttir

• 1 blogg um fréttina

Bloggað um fréttina

• Njörður Helgason: Reykjavíkurflugvelli væntanlega öllum lokað.