Grundvöllur varnarsamstarfs Íslands og Bandaríkjanna var treystur í gær með yfirlýsingu utanríkisráðuneytisins og varnarmálaráðuneytis Bandaríkjanna. Er yfirlýsingin tilkomin vegna breytingar á ástandi öryggismála í Evrópu og á Norður-Atlantshafi á síðustu árum.

Að sögn Lilju Daggar Alfreðsdóttur, utanríkisráðherra, er tilgangurinn tvíþættur. „Við erum að formfesta þessa tímabundnu veru Bandaríkjahers sem nær yfir loftrýmisgæsluna og kafbátaleitarvélar. Í annan stað kveður yfirlýsingin á um gagnkvæmar varnarskuldbindingar og áframhaldandi reglubundna fundi og samráð um öryggis- og varnarmál,“ segir hún.

Samkomulaginu sé ætlað að ná yfir þá auknu viðveru Bandaríkjahers sem verið hefur síðan fastri viðveru hans á Íslandi lauk með samkomulagi árið 2006.

Tengdar fréttir

Varnarmál Íslands

Án fordæma á lýðveldistímanum

• Ágreiningur í VG um aðild að NATO
• Segir öryggi Íslands betur tryggt utan NATO
• Fyrsta heimsóknin til Íslands í áraraðir
• Beint: Formenn ræða hnattrænar áskoranir

» Fleiri tengdar fréttir