Rúmlega 1,1 milljarður fyrir 536 nefndir

Allir ráðherrar hafa nú svarað fyrirspurn Bjarkeyjar Olsen Gunnarsdóttur, þingmanns Vinstri grænna, um fjölda nefnda, starfshópa og verkefnastjórna sem ráðherrar skipa og kostnað tengdan þeim. 

Sjá frétt mbl.is: Lagði fram fyrirspurn á alla ráðherra

Hvert og eitt ráðuneyti svaraði fyrirspurninni sjálfstætt og á föstudaginn barst síðasta svarið frá umhverfis- og auðlindaráðherra. Í heildina hafa ráðherrar ríkisstjórnarinnar skipað 536 nefndir á kjörtímabilinu. Samkvæmt frétt RÚV er helmingur þeirra lögbundinn og helmingur skipaður að frumkvæði ráðherra. Alls hafa verið skipaðir tæplega þrjú þúsund nefndarmenn og nemur kostnaðurinn vegna nefndanna rúmum 1,1 milljarði króna.

Í frétt RÚV segir einnig að af nefndunum 536 hafi tæplega fjórðungur lokið störfum sínum. Mesti kostnaðurinn við nefndir er hjá félags- og húsnæðismálaráðuneytinu þar sem kostnaðurinn var 437 milljónir króna en fjöldi nefnda þar var 63. Flestar nefndir skipaði mennta- og menningarmálaráðherra eða 150. 

Hér má sjá töflur með öllum nefndum ráðuneytanna, sundurliðuðum með kostnaði við hverja nefnd.

Fjármála- og efnahagsráðherra

Félags- og húsnæðismálaráðherra

Umhverfis- og auðlindaráðherra

Innanríkisráðherra

Forsætisráðherra

Iðnaðar- og viðskiptaráðherra

Utanríkisráðherra

Mennta- og menningarmálaráðherra

Heilbrigðisráðherra

Sjávarútvegs- og landbúnaðarráðherra

Bjarkey Olsen Gunnarsdóttir, þingmaður Vinstri grænna.

• 1 blogg um fréttina

Bloggað um fréttina

• Geir Ágústsson: Sparnaðarhugmynd fyrir ríkisvaldið