Menningarnótt hefur gengið stóráfallalaust
Setja bókamerki
Menningarnótt hefur gengið afar vel og stóráfallaust fyrir sig, að sögn Ágústs Svanssonar, aðalvarðstjóra í aðgerða- og skipulagsdeild lögreglunnar á höfuðborgarsvæðinu.
„Þetta hefur gengið vonum framar og kannski bara eins og það á að gera,“ segir hann í samtali við mbl.is. Hann segir að mikill mannfjöldi hafi lagt leið sína í miðbæinn í dag og kvöld. Jákvætt sé hvað allir séu í góðu skapi, enda veðrið gott.
Lögreglumenn eru ánægðir með daginn það sem af er. Þeir hafa þó haft í nógu að snúast og nefnir Ágúst helst umferðarmál í því sambandi. Nokkuð hafi verið um að ökumenn hafi ekki virt lokunarmerki, heldur hent þeim frá. Það getur skapað töluverð vandræði.
Ágúst segir að ekki hafi borið sérstaklega mikið á drykkju eða ölvun í miðbænum í kvöld, allavega ekki það sem af sé. Spurning sé þó hvað nóttin muni bera í skauti sér.
Formlegri hátíðardagskrá Menningarnætur lýkur um ellefuleytið með flugeldasýningu á hafnarbakkanum. Að henni lokinni halda flestir heim á leið.
Sólveig Anna furðar sig á aðferðum kennara
Reiðubúin að aflýsa verkföllum í fjórum leikskólum
Hópur fólks reyndi að komast að eldgosinu
Nýtt fangelsi í landi Stóra-Hrauns tilbúið 2028
Sjötti ferðamaðurinn er látinn
Yfir 300 stæði fóru undir hraun
Hótar Bretum og Bandaríkjamönnum
/frimg/1/53/8/1530844.jpg)
Myndir: Náttúrulegur þröskuldur að taka við