Varpar ljósi á hvernig Sævar var bendlaður við hvarf Guðmundar
Setja bókamerki
Gögn sem settur saksóknari í Guðmundar- og Geirfinnsmálinu hefur undir höndum varpa ljósi á hvernig Sævar Ciesielski var bendlaður við hvarf Guðmundar að því er RÚV greinir frá.
Tveir menn voru handteknir í júní sl. og færðir til yfirheyrslu í tengslum við rannsókn setts saksóknara á hvarfi og mögulegu morði Guðmundar Einarssonar árið 1974. Neita þeir allri aðkomu að málinu.
Lögregla hefur lokið rannsókn á meintum þætti tvímenninganna að málinu og sendi Davíð Þór Björgvinsson, settur saksóknari í málinu, endurupptökunefnd rannsóknargögnin sl. fimmtudag. Nefndin fer nú yfir gögnin og metur hvort þau gefi tilefni til frekari rannsóknar. Þá hefur nefndin komið gögnunum áfram til þeirra sem fóru fram á endurupptöku málsins.
Samkvæmt heimildum fréttastofu RÚV þykja gögnin ekki líkleg til að veita tilefni til frekari rannsóknar.
Gögnin þykja þó varpa ljósi á ýmsa efnisþætti málsins, m.a. hvernig annar hinna tvímenninganna hafi við upphaf rannsóknar á hvarfi Guðmundar bendlað Sævar Ciesielski við málið.
Formaðurinn útilokar ekki undirritun í kvöld
Ákærður fyrir stunguárás á menningarnótt
Auka aðgengi að Grindavík
Létu lofthræðsluna ekki á sig fá
Íslensk kona handtekin á Tenerife eftir líkamsárás
Koma fyrstu tölur á sunnudagskvöldið?
Falskur fyrirvari á auglýsingum Höllu