Bilun veldur hægagangi í póstþjónustu

Notendur póstþjónustu Vodafone hafa orðið þess varir að heldur seinlega gengur að ná í póstinn síðustu daga. Samkvæmt svörum Vodafone við fyrirspurn mbl.is má rekja hægaganginn til bilunar í vélbúnaði en unnið er að því að komast fyrir bilunina í samvinnu við þjónustuaðila.

Vodafone biðst velvirðingar á þeim óþægindum sem þetta kann að valda og vonast til að viðgerð ljúki sem fyrst, en gert er ráð fyrir að kerfið verði komið í lag áður en dagur er úti.

Uppfært: Póstþjónustan komst í lag á áttunda tímanum í kvöld, samkvæmt upplýsingum frá Vodafone.

• 1 blogg um fréttina

Bloggað um fréttina

• RE: Siðustu daga. Þetta er minnsta kosti tveggja mánaða vandamál.