Björgun mun hverfa af Sævarhöfða árið 2019

Fyrir liggur jákvæð afstaða og samþykktir stjórnar Björgunar ehf. og stjórnar Faxaflóahafna sf. um að fullgera samninga um rýmingu Björgunar af lóðinni Sævarhöfða 33.

Þetta var kynnt á fundi stjórnar Faxaflóahafna í gær, að því er fram kemur í umfjöllun um mál þetta í Morgunblaðinu í dag.

Samkvæmt samkomulaginu fær Björgun að vera með starfsemi á svæðinu fram í maí árið 2019. Þar er m.a. geymt byggingarefni sem skip félagsins dæla af hafsbotni. Íbúar í Bryggjuhverfi hafa þrýst á það í mörg ár að starfsemi fyrirtækisins verði flutti af svæðinu, enda hafi sandurinn fokið yfir hverfið.