Skútustaðahreppur hefur ákveðið að taka umsókn Landsnets um framkvæmdaleyfi til að reisa Kröflulínu 4 til umfjöllunar að nýju. Þar á að bæta úr þeim ágöllum sem urðu til þess að úrskurðarnefnd umhverfis- og auðlindamála ákvað að fella fyrra framkvæmdaleyfi úr gildi.

Norðurþing og Þingeyjarsveit bíða eftir úrskurðum vegna kæra á hendur þeim en nota tímann til að undirbúa sig fyrir framhald málsins, að því er fram kemur í fréttaskýringu um þetta mál í Morgunblaðinu í dag.

Úrskurðarnefndin hefur aðeins fellt úr gildi framkvæmdaleyfi Skútustaðahrepps en þrjár aðrar kærur eru til meðferðar hjá nefndinni. Þingeyjarsveit og Norðurþing bíða því eftir úrskurði í sínum málum. Ekki er von á úrskurði í þessari viku en reiknað með næsta úrskurði í byrjun næstu viku.

Tengdar fréttir

Kísilver PCC á Bakka

Allt „samkvæmt áætlun“ hjá PCC á Bakka

• Fyrsti hráefnisfarmurinn til kísilversins
• Vel gengur að endurráða starfsfólk
• Niðurfærsla upp á 11,6 milljarða
• Vilja innflutningstolla á kísilmálm frá Íslandi

» Fleiri tengdar fréttir