Álftafjarðargöng eru komin í undirbúningsferli með því að Alþingi hefur veitt fé til undirbúnings og rannsókna á gangastæði á næsta og þarnæsta ári, samtals 10 milljónir króna.

„Þetta er fyrsta skrefið. Með þessari samþykkt Alþingis eru Álftafjarðargöng komin á samgönguáætlun,“ segir Ólína Kjerúlf Þorvarðardóttir, þingmaður Samfylkingarinnar í Norðvesturkjördæmi.

Ólína var fyrsti flutningsmaður að tillögu til þingsályktunar um að undirbúa gerð Álftafjarðarganga. Tillagan var flutt á síðasta kjörtímabili og endurflutt á þessu. Aðrir þingmenn Norðvesturkjördæmis voru meðflutningsmenn. Báðar tillögurnar dagaði uppi í þinginu, að því er fram kemur í umfjöllun um gangnagerð þessa í Morgunblaðinu í dag.

Tengdar fréttir

Samgönguáætlun 2015-2018

„Ekki mönnum bjóðandi“

• Uppsöfnuð þörf 60 milljarðar króna
• Úttekt á Grindavíkurvegi í næstu viku
• Fuglavernd leggst gegn veglínu
• Dugar bara fyrir tveimur kílómetrum

» Fleiri tengdar fréttir