Í fangelsi fyrir verðsamráð
Setja bókamerki
Hæstiréttur hefur dæmt sex starfsmenn byggingavöruverslanana BYKO og Húsasmiðjunnar fyrir refsivert verðsamráð í störfum sínum á árunum 2010 til 2011.
Var fyrrverandi framkvæmdastjóri hjá BYKO dæmdur í 18 mánaða fangelsi og kollegi hans hjá Húsasmiðjunni í níu mánaða fangelsi. Tveir fyrrverandi vörustjórar Húsasmiðjunnar voru þá dæmdir annars vegar í níu mánaða fangelsi og hins vegar í þriggja mánaða fangelsi.
Fyrrverandi verslunarstjóri timbursölu og fyrrverandi sölustjóri fagsölusviðs BYKO voru þá hvor um sig dæmdir til að sæta fangelsi í þrjá mánuði.
Hæstiréttur staðfesti þá sýknudóm Héraðsdóms yfir tveimur mannanna.
Allir eru fangelsisdómarnir skilorðsbundnir, nema í tilfelli fyrrverandi framkvæmdastjóra BYKO, en fullnustu 15 mánaða af 18 mánaða refsingu hans var frestað skilorðsbundið í þrjú ár.
Handteknir í mars árið 2011
Tólf starfsmenn Byko, Húsasmiðjunnar og Úlfsins byggingaverslunar voru upphaflega ákærðir í málinu, en allir voru þeir sýknaðir fyrir Héraðsdómi fyrir utan einn.
Sérstakur saksóknari gaf út ákæru í málinu í maí árið 2014 en fyrirtækin þrjú voru grunuð um að hafa með sér verðsamráð. Dómur var kveðinn upp í héraði í apríl árið 2015, en fyrrverandi framkvæmdastjóri byggingasviðs Byko var sá eini sem var sakfelldur. Hann var þá dæmdur í eins mánaðar skilorðsbundið fangelsi.
Mennirnir voru handteknir í mars árið 2011, en allir neituðu þeir sök í fyrstu.
Bjarni afhenti Kristrúnu lyklana
Segir að verið sé að svindla á Bandaríkjunum
„Þetta er ríkisstjórn almannahagsmuna“
Segja tölur um opinbera starfsmenn skakkar
Hækkun skilaði sér til bænda
Hvetja fólk til að huga að niðurföllum
Ellefu skjálftar síðasta sólarhringinn