Meint fölsun á verki Svavars boðin upp

Olíumálverk sem sagt er eftir Svavar Guðnason listmálara var selt á uppboði danska uppboðshaldarans Bruun Rasmussen fyrir 30 þúsund danskar krónur í gær.

Ólafur Ingi Jónsson, forvörður á Listasafni Íslands, fullyrðir að verkið sé falsað, að því er fram kemur í umfjöllun um mál þetta í Morgunblaðinu í dag.

Þetta er sama verk og danska lögreglan gerði upptækt, vegna meintrar fölsunar, skömmu áður en það fór á uppboð 2014.