Hægt hefði verið að nota eina flugbraut á Reykjavíkurflugvelli núna í dag þótt völlurinn sé að öðru leyti lokaður vegna hliðarvinda. Sú braut er NA/SV-brautin sem snýr upp í vindinn en henni hefur nú verið lokað. Þorkell Ásgeir Jóhannsson, flugstjóri hjá Mýflugi nefnir þetta í færslu á Facebook í dag og segir að nú verði menn að vona að útkallssíminn hringi ekki meðan ástandið vari.

Þorkell segir hægt að þakka borgarstjóra, meirihluta borgarstjórnar og skipulagsyfirvöldum borgarinnar, innanríkisráðherra og fjármálaráðherra fyrir þá ákvörðun að loka flugbrautinni og bendir á að Keflavíkurflugvöllur sé núna einnig lokaður af sömu orsökum. „Svo það liggur fyrir að við komumst ekki einu sinni suður í forgangsútkalli,“ segir Þorkell og bætir við að þar með sé Landspítalinn lokaður fyrir fólk af landsbyggðinni þangað til veðrið gengur niður seinna í kvöld.

Tengdar fréttir

Reykjavíkurflugvöllur

Lögmæti og heilindi dregin í efa

• Ríkið og borgin skipta tekjum
• Borgin vill ekki hætta að spá í Hvassahraun
• Borgin hætti stuðningi við Hvassahraun
• Vill upplýsingar um kostnaðinn

» Fleiri tengdar fréttir

• 1 blogg um fréttina

Bloggað um fréttina

• Páll Þorsteinsson: Þessi flugvöllur er hannaður fyrir mikið meira en hann gegnir …