Vegamálastjóri gagnrýnir borgina

Hreinn Haraldsson, forstjóri Vegagerðarinnar, segir að stofnunin telji brýnt að byggja mislæg gatnamót á mótum Reykjanesbrautar og Bústaðavegs.

Ekki sé þó vilji til þess hjá borgaryfirvöldum þrátt fyrir að fjárveiting hafi verið tryggð á sínum tíma. Ljóst sé að vissir vegakaflar í borginni anni illa umferð á álagstímum. Aukin áhersla á almenningssamgöngur muni ekki endilega draga úr umferð einkabíla frá því sem er nú.

„Þetta er bara spurning um það hversu hraður vöxturinn verður á næstu árum og flestir eru sammála um að honum þurfi að halda í skefjum eftir því sem unnt er,“ segir Hreinn í umfjöllun um mál þetta í Morgunblaðinu í dag.