Ástand konunnar, sem flutt var á slysadeild Landspítalans eftir slys við köfun í Silfru á Þingvöllum í hádeginu, er stöðugt. Varðstjóri slökkviliðsins á höfuðborgarsvæðinu segir að konan hafi komist til meðvitundar á slysstað.

Sjúkrabílnum var því ekki ekið í forgangsakstri á leið til Reykjavíkur, en mjög slæmt veður var á vettvangi og því afráðið að kalla ekki út þyrlu Landhelgisgæslunnar.

Konan var við köfun ásamt eiginmanni sínum þegar slysið átti sér stað, en hún mun vera erlend og um fertugt.

„Þetta lítur betur út og konan virðist vera í ágætu standi,“ segir Sveinn Kristján Rún­ars­son, yf­ir­lög­regluþjónn hjá lög­regl­unni á Suður­landi, í samtali við mbl.is. „Þetta er eins gott og það getur verið, sýnist mér á öllu.“

Lögreglan mun nú rannsaka orsakir slyssins, segir Sveinn, en þær eru ekki ljósar.

Frétt mbl.is: Köfunarslys í Silfru

Tengdar fréttir

Silfra

Silfra þoli 76.000 gesti á ári

• Köfurum í Silfru fækkað um 40%
• Starfsemin við Silfru undir smásjánni
• Köfurum í Silfru fer fækkandi
• Lést úr hjartaáfalli

» Fleiri tengdar fréttir

• Blogga um frétt