„Það hefur verið mikið að gera hjá starfsmönnum utanríkisráðuneytisins í dag vegna þessa. Við höfum meðal annars fengið ábendingar um að Íslendingar gætu verið í vandræðum vegna þessa máls,“ segir Guðlaugur Þór Þórðarson utanríkisráðherra.

Hann segir að til séu íslenskir ríkisborgarar sem fæddir eru í þeim löndum sem koma við sögu og hafi tvöfalt ríkisfang. Yrði einhverjum þeirra meinuð innganga í Bandaríkin á grundvelli uppruna síns mundu þeir hljóta fullan stuðning íslensku ríkisstjórnarinnar

Donald Trump, forseti Bandaríkjanna, gaf út tilskipum á föstudag sem meinar flóttamönnum frá Sýrlandi alfarið að koma til Bandaríkjanna þar til annað verður ákveðið. Þá mega íbúar sex landa, þar sem múslimar eru í meirihluta, ekki koma til Bandaríkjanna næstu þrjá mánuði, nema þeir tilheyri trúarminnihluta. „Það liggur fyrir, við hörmum þessa tilskipun Bandaríkjaforseta,“ segir utanríkisráðherra í umfjöllun um mál þessi í Morgunblaðinu í dag.

Tengdar fréttir

Flóttafólk á Íslandi

Flestir sem hvergi finnast koma frá Sómalíu

• Vonast eftir breiðri þverpólitískri sátt
• Allt frá nokkrum tímum upp í viku í nýrri miðstöð
• Mjög dýrt að tryggja landamærin
• Greiningarmiðstöð hluti af 13 landamæraaðgerðum

» Fleiri tengdar fréttir