„Í guðanna bænum gerið það ekki“
Setja bókamerki
Birgir Jakobsson landlæknir telur það mikið óheillaskref ef fyrirhugað frumvarp um breytingu á smásölu áfengis verður að lögum.
„Ég er mjög andvígur þessu frumvarpi af ýmsum ástæðum. Aðallega vegna þess að allar rannsóknir sem eru aðgengilegar sýna að aukið aðgengi að áfengi eykur neyslu á því,“ segir Birgir í samtali við mbl.is en verði frumvarpið að lögum verður einkaleyfi ÁTVR á sölu áfengis afnumið frá og með næstu áramótum. Sala áfengis verður heimiluð í sérverslunum í sérrýmum innan verslana og áfengisauglýsingar innlendra aðila verða heimilaðar og leyfðar í innlendum fjölmiðlum.
Birgir segir að neysla áfengi aukist sérstaklega hjá þeim hópum sem eru viðkvæmir, yngra fólk og fólk sem þolir ekki áfengi. „Við vitum að ef áfengisneysla eykst hefur það skaðleg áhrif á heilsu fólks og eykur þar af leiðandi vanlíðan og kostnað í samfélaginu. Það er hlutverk þessa embættis að stuðla að auknu heilbrigði landsmanna.“
Skattlagning og takmarkað aðgengi besta forvörnin
Samkvæmt frumvarpinu er lagt til að auknum fjármunum verði varið í forvarnastarf en Birgir segir að það sé ekki nóg. „Forvarnir hvað varðar áfeng, tóbak eru mest takmarkað aðgengi og skattlagning, það er staðreynd. Fræðsla og forvarnir eru af hinu góða en eitt og sér dugar það ekki.“
Landlæknir segir að fyrirhugað frumvarp sé algjörlega í andstöðu við lýðheilsustefnu fyrrverandi ríkisstjórnar. „Raunverulega er það í andstöðu við það sem alþjóðasamtök segja; að hafi maður ekki sleppt þessu frjálsu í guðanna bænum gerið það ekki. Þetta skref verður aldrei tekið til baka og er óheillaspor.“
Neitaði sök um morð og hryðjuverk
Þungt ástand í margar vikur vegna RS-veiru
Fundaði með starfsfólki í fjóra tíma í gær
„Mikilvægt að hvíla viðbragðið“
„Umferðin greinilega að þyngjast“
„Á allt sitt undir því að njóta trausts almennings“
Leiðindaveður yfir jólahátíðina