Misstu af tækifæri í fyrra

„Til hamingju með daginn,“ sagði Benedikt Jóhannesson fjármálaráðherra, en hann flutti Alþingi munnlega skýrslu í dag um afnám fjármagnshafta. Sagði Benedikt að afnámi hafta væri fagnað um allt land og víða um heim.

Frétt af mbl.is

Öll fjármagnshöft afnumin

Benedikt sagði sérfræðinga ljúka upp einum rómi og fagna þessum fregnum. „Við erum búin að hrista af okkur síðustu hlekki hrunsins,“ sagði Benedikt, en hann sagði að stjórnvöld hefðu misst af tækifæri til að þurrka upp snjóhengju aflandskróna í útboði í fyrra, ef gengið hefði verið lækkað.

„Þátttakan olli vonbrigðum í útboðinu en það hefði verið hægt að þurrka upp snjóhengjuna ef gengið hefði verið á milli 165 og 170 krónur á evru. Við sjáum glöggt að skynsamlegt hefði verið að gera það,“ sagði Benedikt en Seðlabanki Íslands hef­ur nú gert sam­komu­lag við eig­end­ur krónu­eigna sem háðar eru sér­stök­um tak­mörk­un­um, sbr. lög nr. 37/​2016. Í sam­komu­lag­inu felst að Seðlabank­inn kaup­ir af þeim af­l­andskrónu­eign­ir að fjár­hæð um 90 millj­arðar króna á geng­inu 137,5 krón­ur á evru.

„Þáverandi stjórnvöld ákváðu að gera þetta ekki. Eftir á sjá allir að Íslendingar hefðu grætt á því að ljúka dæminu þá en menn misstu af tækifærinu,“ sagði Benedikt. 

• Blogga um frétt