Hertar öryggisráðstafanir vegna köfunar í Silfru á Þingvöllum eru meðal annars þær að hver leiðsögumaður sem í gjárnar fer má aðeins hafa með sér þrjá kafara í stað fjögurra áður og í yfirborðsköfun mega nú sex í stað átta fylgja þeim sem leiðsögn annast.

Auk þess verða þeir sem í Silfru fara spurðir um heilsufar sitt, svo sem hættu á yfirliði og um hugsanlega hjarta- og öndunarfærasjúkdóma.

Einnig þurfa þeir að framvísa pappírum um köfunarreynslu sína og að hafa kafað í þurrbúningi að minnsta kosti tíu sinnum. Ef fólk stenst þetta ekki verður því vísað frá, að því er fram kemur í umfjöllun um mál þetta í Morgunblaðinu í dag.

Tengdar fréttir

Silfra

Silfra þoli 76.000 gesti á ári

• Köfurum í Silfru fækkað um 40%
• Starfsemin við Silfru undir smásjánni
• Köfurum í Silfru fer fækkandi
• Lést úr hjartaáfalli

» Fleiri tengdar fréttir