Setja bókamerki
Umhverfisstofnun telur þó ekki nægilegar upplýsingar fram komnar til að falla frá þeim áformum sem tilgreind voru í bréfi til fyrirtækisins 21. febrúar um að fara þurfi fram verkfræðileg úttekt á hönnun og rekstri verksmiðjunnar. Stofnunin mun því á næstu vikum leita eftir tilboðum í slíka úttekt. Rekstraraðili verður upplýstur um umfang úttektarinnar og úttektaraðila áður en af henni verður. Tekið er fram að kostnaður við úttektina verði innheimtur hjá rekstaraðila. Ekki er því fallist á umbeðinn sex mánaða úrbótafrest.
United Silicon fær ekki sex mánaða frest
United Silicon í Helguvík.
Ljósmynd/United Silicon
Umhverfisstofnun fellst ekki á þá ósk United Silicon (Sameinaðs sílikons hf.) að fyrirtækið fái sex mánaða frest til að bæta úr frávikum. Þetta kemur fram í tilkynningu á vefsíðu stofnunarinnar, en þar segir að mikilvægt sé að nú þegar verði í varúðarskyni stigin markviss skref til að ná betri tökum á rekstri verksmiðjunnar hvað varðar mengunarvarnir.
Umhverfisstofnun hótaði í febrúar að stöðva rekstur kísilversins ef ekki yrði ráðist í tafarlausar úrbætur í mengunarmálum. Í svarbréfi United Silicon til Umhverfisstofnunar 7. mars, eftir að stofnunin hafði áformað að fram skyldi fara verkfræðileg úttekt í kjölfar ítrekaðra frávika, m.a. varðandi reykhreinsun og ólykt þar sem 300 kvartanir hafa borist frá íbúum á þeim fjórum mánuðum sem verksmiðjan hefur verið starfrækt, er velt upp spurningum um jafnræði við ákvarðanatöku.
Boðaðar aðgerðir Umhverfisstofnunar, um óháða verkfræðilega úttekt og takmörkun á starfsemi verksmiðjunnar að óbreyttu, eru í svarbréfi United Silicon taldar óþarflega íþyngjandi fyrir fyrirtækið. Á það fellst Umhverfisstofnun ekki, eins og kemur fram í tilkynningu stofnunarinnar. „Vill stofnunin [Umhverfisstofnun] benda á að fram hefur komið að vegna umfangsmikilla og endurtekinna rekstrarvandamála sé umfang eftirlits með verksmiðjunni fordæmalaust. Þá hefur rekstur verksmiðjunnar sérstöðu hvað varðar eðli, umfang framleiðslu og nálægð við íbúabyggð,“ segir í bréfi Umhverfisstofnunar til fyrirtækisins.
Segir í tilkynningunni að Umhverfisstofnun telji jákvætt að rekstraraðilinn vinni að því að greina vandamál í rekstri verksmiðjunnar og setji fram úrbótatillögur og óskar hún eftir að fá allar upplýsingar er út úr þeirri greiningarvinnu munu koma um leið og þær liggja fyrir og geta þær upplýsingar haft áhrif á umfang þeirrar verkfræðilegu úttektar sem stofnunin hefur boðað.
Reiðubúin að aflýsa verkföllum í fjórum leikskólum
Litlar líkur á að hraunið nái til mannvirkja
/frimg/1/53/8/1530849.jpg)
Fatlaður drengur fær ekki þjónustu í verkfalli
Rússar sagðir útvega N-Kóreu milljón olíutunnur
Dómur þyngdur um þrjú ár
/frimg/1/53/7/1530787.jpg)
Flogið á milli ljósaskipta
Drónamyndskeið frá hápunkti gossins í nótt