Segir af sér sem varaforseti ASÍ

Ólafía B. Rafnsdóttir, formaður VR hefur tilkynnt forsetum ASÍ og formanni LÍV þá ákvörðun sína að segja sig frá stöðu fyrsta varaforseta Alþýðusambands Íslands og stöðu varaformanns Landsambands íslenzkra verzlunarmanna sem og að gegna ekki áfram öðrum trúnaðarstörfum á vegum verkalýðssamtakanna frá og með deginum í dag.

Frétt af mbl.is

Framboðið var vantraust á forystu ASÍ

Frétt af mbl.is

Sest ekki í miðstjórn ASÍ með Gylfa

Segir hún ástæðuna meðal annars yfirlýsingar nýkjörins formanns um að kosning hans hafi verið vantraust á forystu ASÍ. Þetta kemur fram í tilkynningu frá VR.

„Þessi ákvörðun er tekin í kjölfar úrslita í kosningum til formanns VR og einnig með tilliti til yfirlýsinga nýkjörins formanns um að niðurstaða kosninganna feli í sér vantraust á forystu ASÍ, höfnun á SALEK samkomulaginu og öðrum meginþáttum í samstarfi aðila vinnumarkaðarins og stjórnvalda. Um leið og ég þakka öllu samstarfsfólki mínu á vettvangi verkalýðssamtaka ánægjulegt og gefandi samstarf óska ég samtökum launafólks farsældar og góðs gengis og vona að allir hlutaðeigendur sýni þessari ákvörðun skilning,“ er haft eftir Ólafíu í tilkynningunni.

• 1 blogg um fréttina

Bloggað um fréttina

• Jóhannes Ragnarsson: Hálf þjóðin grætur fall frú Ólafíu