Með skammbyssu að sögn vitnis

„Tilkynning barst okkur um að karlmaður hefði sést þarna með skammbyssu,“ segir Heimir Ríkharðsson, lögreglufulltrúi hjá lögreglunni á höfuðborgarsvæðinu, í samtali við mbl.is vegna skothvells sem heyrðist í Fossvogsdalnum skammt frá Birkigrund í Kópavogi í gærkvöldi en tilkynningin um það barst um klukkan 20:18. 

Frétt mbl.is: Tilkynnt um skothvell í Kópavogi

Heimir segir að vopnað lögreglulið hafi verið sent á staðinn. Enginn var á staðnum þegar þangað kom og fór þá fram leit á svæðinu sem skilaði ekki árangri. Við leitina fannst skothylki á vettvangi en það fannst að sögn Heimis í læknum í Fossvogsdalnum. Talið er að skotið hafi verið upp í loftið.

Spurður hvers konar skothylki hafi verið að ræða segir Heimir málið einfaldlega vera í rannsókn. Þeir sem kunni að hafa upplýsingar um málið séu hvattir til þess að hafa samband við lögregluna í síma 444-1000.

• 1 blogg um fréttina

Bloggað um fréttina

• Ásgrímur Hartmannsson: Nauðsynlegur útbúnaður á þessum síðustu, verstu